Delhi HC judgement on Sec 397 of IPC (droping Charges) - ದರೋಡೆಗೆ ಬಳಸಿದ ಆಯುಧ ವಶಪಡಿಸದಿದ್ದರೆ, ಆ ಪ್ರಕರಣದ ಆರೋಪಗಳನ್ನು ರೂಪಿಸದಿರಲು ಕಾರಣವಾಗುವುದಿಲ್ಲ.

 ದರೋಡೆಗೆ ಬಳಸಿದ ಆಯುಧ ವಶಪಡಿಸದಿದ್ದರೆ, ಆ ಪ್ರಕರಣದ ಆರೋಪಗಳನ್ನು ರೂಪಿಸದಿರಲು ಕಾರಣವಾಗುವುದಿಲ್ಲ.

ದರೋಡೆಗೆ ಬಳಸಿದ ಆಯುಧವನ್ನು ವಶಪಡಿಸಿಕೊಳ್ಳದಿರುವುದು ಭಾರತೀಯ ದಂಡ ಸಂಹಿತೆಯ (ಐಪಿಸಿ) ಸೆಕ್ಷನ್ 397 ರ ಅಡಿಯಲ್ಲಿ 'ದರೋಡೆ, ಅಥವಾ ಡಕಾಯಿತಿ, ಸಾವು ಅಥವಾ ಗಂಭೀರವಾದ ಗಾಯವನ್ನು ಉಂಟುಮಾಡುವ ಪ್ರಯತ್ನ' ಎಂದು ಪರಿಗಣಿಸುವ ಆರೋಪಗಳನ್ನು ರೂಪಿಸದಿರಲು ಕಾರಣವಾಗುವುದಿಲ್ಲ ಎಂದು ದೆಹಲಿ ಹೈಕೋರ್ಟ್ ಹೇಳಿದೆ.

[ರಾಜ್ಯ ವಿರುದ್ಧ ಹಸನ್ ಅಹ್ಮದ್]

ನ್ಯಾಯಮೂರ್ತಿ ಸುರಮೋನಿಯಂ ಪ್ರಸಾದ್ ಅವರ ದೆಹಲಿ ಹೈಕೋರ್ಟ್ ನ ಏಕಸದಸ್ಯ ಪೀಠ ಈ ಮಹತ್ವದ ತೀರ್ಪು ನೀಡಿದೆ.

ಶಸ್ತ್ರಾಸ್ತ್ರವನ್ನು ವಶಪಡಿಸಿಕೊಳ್ಳದ ಪರಿಣಾಮವು ಆ ಪ್ರಕರಣದ ವಿಚಾರಣೆಯಲ್ಲಿ ಕಂಡುಬರುತ್ತದೆ ಮತ್ತು ಸೆಕ್ಷನ್ 397 ರ ಅಡಿಯಲ್ಲಿ, ಆರೋಪಿ ವಿರುದ್ಧದ ಆರೋಪಗಳನ್ನು ರೂಪಿಸದಿರಲು ಇದು ಸಕಾರಣವಾಗುವುದಿಲ್ಲ ಎಂದು ಹೇಳಿದೆ.

"ಆಯುಧ ವಶವಾಗಿಲ್ಲ ಎಂಬ ಅಂಶವು IPC Sec 397 ನಡಿ ಆರೋಪಗಳನ್ನು ರೂಪಿಸದಿರಲು ಯಾವುದೇ ಆಧಾರವಲ್ಲ. (no reason to drop the charges) ಶಸ್ತ್ರಾಸ್ತ್ರವನ್ನು ವಶಪಡಿಸಿಕೊಳ್ಳದಿರುವ ಪರಿಣಾಮವು ವಿಚಾರಣೆಯಲ್ಲಿ ಮಾತ್ರ ಕಂಡುಬರುತ್ತದೆ ಮತ್ತು ಅದು ಸೆಕ್ಷನ್ 397 ಐಪಿಸಿ ಅಡಿಯಲ್ಲಿ ಆರೋಪಗಳನ್ನು ರೂಪಿಸದಿರಲು ಕಾರಣವಾಗುವುದಿಲ್ಲ. ," ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

ಈ ವಿಷಯವು ದರೋಡೆ ಪ್ರಕರಣಕ್ಕೆ ಸಂಬಂಧಿಸಿದೆ, ಇದರಲ್ಲಿ ದೂರುದಾರ ಮತ್ತು ಅವನ ಸ್ನೇಹಿತರನ್ನು ದೆಹಲಿ ಪೊಲೀಸರೆಂದು ಹೇಳಿಕೊಳ್ಳುವ ವ್ಯಕ್ತಿಗಳು ದರೋಡೆ ಮಾಡಿದ್ದಾರೆ.